ბუხუტი სიჭინავას საერთაშორისო ურთიერთობების ბაკალავრის ხარისხი მიღებული აქვს კავკასიის საერთაშორისო უნივერსიტეტში. იმავე უნივერსიტეტში, საერთაშორისო ურთიერთობებისა და საერთაშორისო უსაფრთხოების სამაგისტრო პროგრამის წარჩინებით დასრულების შემდეგ, მას საერთაშორისო ურთიერთობების მაგისტრის აკადემიური ხარისხი მიენიჭა. წარმატებით დაიცვა სამაგისტრო დისერტაცია სახელწოდებით: წყლის რესურსები და მისი გავლენა ახლო აღმოსავლეთის ქვეყნების პოლიტიკაზე.
ბუხუტი სიჭინავა 2019-2023 წლებში იყო კავკასიის საერთაშორისო უნივერსიტეტის პოლიტიკის მეცნიერების სადოქტორო პროგრამის დოქტორანტი. მისი სადისერტაციო თემის სახელწოდებაა "ერთიანი ქურთული სახელმწიფოს შექმნის იდეა: გამოწვევები და პერსპექტივები". იგი დისერტაციის ფარგლებში მიმოიხილავს ქურთების პრობლემატიკის ისტორიას, აანალიზებს თანამედროვე რეგიონულ და გლობალურ პოლიტიკურ პროცესებს და იკვლევს ქურთული სახელმწიფოს შექმნის პერსპექტივებს. კვლევის პროცესში იგი იყენებს კვლევის რელევანტურ მეთოდებს და სხვადასხვა თეორიული პერსპექტივიდან აანალიზებს ზემოხსენებულ თემას.
ამჟამად, ბუხუტი სიჭინავა საერთაშორისო პოლიტიკის კვლევისა და პროგნოზირების ცენტრის მეცნიერ-მკვლევარია და იგი აქტიურად არის ჩართული აკადემიურ და სამეცნიერო საქმიანობაში. მონაწილეობს ადგილობრივ და საერთაშორისო სამეცნიერო კონფერენციებსა და ფორუმებში. გამოქვეყნებული აქვს ათამდე სამეცნიერო სტატია სხვადასხვა ადგილობრივ თუ უცხოურ რეფერირებად ჟურნალებში.
